Аймақтану, білім арттыру (мақала)
«Аймақтану, білім арттыру» — Мұхтар Әуезовтің мақаласы.
- «Жаңа мектеп» журналының 1929 жылы 11-санында жарияланған.
- Жазушының шығармалар жинағының 50 томдық толық басылымының 3-томында (1998) қайта басылды.
Мақаланың соңына «Мұхтар» деп қол қойған. Негізінде «Аймақтану, білім арттыру» деген тақырып журналдың жаңа айдары болса керек. Автор «Бөлім мақсаты» деген тақырыпша қойған. Онда бөлімнің алдына қойған міндеттері айтылады. Өнер мен білім туралы мақалаларды алдағы уақытта осы айдармен жариялап тұратынын хабарлайды. Содан кейін «Жаратылыстағы дағдылық» атты мақала берілген. Мұнда жаратылыстану ілімінің негізгі қағидалары, табиғаттың тылсым заңдары, жыл мезгілдерінің ауысу себептері, оған жан-жануардың бейімделуі баяндалады. Ал «Өлкетану туралы» атты екінші мақала:[1]
«Әрбір мәдениетті қоғам өзінің жұмысын ғылым негізіне құрып жүргізуге ұмтылады... Қоғам тұрмысын құру үшін алдымен сол қоғамның мән-жайын, айналасындағы табиғаттың мәдени қалпын жақсы білу керек. Басқа шартқа да, жергілікті мәдениетті де, өлкені де үзбестен, ұдайымен арымай-талмай аудара карап, ақтара тексеріп зерттеуге тура келеді.»
Дереккөздер
өңдеу- ↑ Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601-282-175-8
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |