Аймен Жексембіқызы Қайдарова

Аймен Жексембіқызы Қайдарова - (3.5.1946 жылы туған, Алматы облысы Көксу ауданы) – педагогика ғылымдарының докторы (2007), профессор (2006). Семей педагогика институтын (1968, қазіргі Семей мемлекеттік педагогика институты), ҚазПИ-дің (1992, қазіргі ҚазҰПУ) аспирантурасын бітірген. Семей педагогика институтында аға лаборант, оқытушы (1973–78), Семей жеңіл өнеркәсіп техникумында оқытушы (1978–80), Алматы қаласы кәсіптік техника білім беру басқармасының инспекторы (1980–82), Семей, Жезқазған педагогика институттарында аға оқытушы (1980–89), ҚазҰПУ-да аға оқытушы, доцент (1992–2006), профессор қызметтерін атқарды. «Қазақстан Республикасында жоғары педагогикалық білім беру мазмұнының қалыптасуы және дамуы (1928–2005)» деген тақырыпта докторлық диссертация қорғады. 70-тен астам ғылыми жарияланымның авторы. Негізгі ғылми еңбектері мұғалімді кәсіптік деңгейде дайындаудың жалпы мәселелері, педагог жаңашылдардың тәжірибесі, университет білімі деңгейінде болашақ мұғалімдердің кәсіби қызығушылығы қалыптасуының теориясы және технологиясы, Қазақстан Республикасында жоғары педагогика білім берудің мазмұны, оның қалыптасуы және дамуына арналған.