Айналы антенна
Айналы антенналар (Зеркальные антенны) — жұмыс істеу принципі электромагниттік толқынның өткізгіштік беттерден шағылатын қасиетіне негізделген, таратуда және қабылдауда аса жоғары жиілікті электромагниттік толқындарды фокустау үшін айна немесе айналар жүйесі пайдаланылатын антенналар. Мұндай антенналардың айналу параболойді пішінінде жасалған түрі кеңірек қолданылады. Оның фокусында сфера түріндегі толқынды жазық толқынға өзгертетін толқын көзі орналасады немесе фокустық сызығында сызықтық толқын көзі болатын параболалық цилиндр орналасады. Ол арқылы цилиндрлік толқын жазық толқынға өзгертіледі. Бір айналы антеннамен қатар екі айналы, бірнеше айнадан тұратын айналар жүйесі қолданылатын антенналар бар. Параболалы, рупорлық-айналық, рупорлық-параболалық, перископтық антенналар айналы антенналар қатарына жатады. Бұлардың бәрі — өткір бағытталған антенналар. Радиорелейлік байланыста, спутниктік байланыста, радиолокацияда қолданылады.[1]
Дереккөздер
өңдеу- ↑ Қазақ тілі терминдерінің салалық ғылыми түсіндірме сөздігі: Электроника, радиотехника және байланыс. — Алматы: «Мектеп» баспасы, 2007 ISBN 9965-36-448-6
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — электроника туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. |