Айтжан Айдарбеков (1.1.1937, Жамбыл ауданы, Таран (қаз. Б.Қыдырбекұлы атындағы) ауылы — 30.6.2001, Алматы қаласы) — актер, Қазақстанның еңбек сіңірген артисі (1984). 1956 ж. Алматы қаласындағы № 12 мектепті, 1958 ж. опера және балет театрының хор студиясын бітірді. 1958-1963 ж. Абай атындағы опера және балет театрының солисі болды. 1967 ж. Құрманғазы атындағы консерваторияның актерлер даярлайтын бөлімін бітіріп, М.Әуезов атындағы академия драма театрына қабылданды. 1969 жылдан өмірінің соңына дейін Ғ.Мүсірепов атындағы балалар мен жасөспірімдер театрында еңбек етті. Ол Әуезовтің "Жас Абайында" Майбасар, С.Мұқановтың "Мөлдір махаббатында" Текебай, Б.Майлиннің "Шұғасында" Шоқпарбай, У.Шекспирдің "Гамлетінде" Полонин, Б.Мұқаевтың "Қош бол, менің ертегімде" Әли қарт, Ә.Тауасаровтың "Аса құрметті ИКС-інде" Бақай, тағы басқа бейнелерді сәтті сомдады. Бірқатар көркем фильмдерге түсті.[1][2]
Дереккөздер
өңдеу