Айқабақ

Айқабақ - жамбыдан ауыр, көлемі үлкен ай пішіндес құйылған, сом күміс жүлде-нысананың атауы. Осы атып түсіруге байланысты дәстүрлі спорт түрінің атауына айналды. Бұл жарыстың басты шарты - жүлде-нысананы садақпен атып дәл тигізу. Нысанаға алтын мен күмістен жасалған әртүрлі пошымдағы жүлделер ілінеді.

Айқабақ - жыл сайын өткізіліп тұратын үлкен ру-тайпалық немесе қауымдық деңгейдегі садақ ату сайысының ең жоғарғы түрі. Ал, әлгі жүлде-нысана жеңімпазға берілетін ең басты жүлде болды. Қазақ даласында кең таралған бұл ұлттық ойынның көп өңірде, әсіресе, Оңтүстік аймақтарда жиі қолданылатын атауы - алтын қабақ. Кейде қысқарта қабаң ату деп те атайды.