Акакий Ростомович Церетели

Акакий Ростомович Церетели (груз. აკაკი წერეთელი; 9 маусым 1840 — 26 қаңтар 1915) — грузин ақыны, қоғам қайраткері. Князь отбасысында туған. Петербург университетінің шығыс тілдері факультетінде оқыды (1859-63). 1859 жылдан ақын ретінде танылды.

Акакий Ростомович Церетели
აკაკი
Туған күні	9 маусым 1840 (1840-06-09)
Туған жері	Сачхере ауылы, Ресей империясы
Қайтыс болған күні	26 қаңтар 1915 (1915-01-26) (74 жас)
Қайтыс болған жері	Тбилиси
Қолтаңбасы

Еңбектері

"Асыл сәлемдеме" (1860) атты өлеңі жаңа жыр үлгісі ретінде кеңінен тарады. 1897-1900 жылдары "Акакийдің айлық жинағы" атты журналын шығарып тұрды. Әдеби көзқарасы материалистік эстетика принциптеріне негізделген. "Ауру"(1880), "Амиран" (1883), "Сулико" (1895) т.б. өлеңдерінде ұлт - азаттық мәселелері, әлеуметтік теңсіздік жайлы бейнеленген. "Ұлы Баграт" (1875), "Торнике Эристави" (1884), "Натэла" (1900) поэмаларын, "Баши - Ачуктар" (1895-96) повесін, "Ескілік"(1894-99) атты автобиография повесін жариялады. Патша өкіметін құлатуға шақырған "Жойылсын" (1905) өлеңі грузин революционерлерінің гиміне айналды. Ол "Интернационалды" грузин тіліне (1906) аударды.