Алейродидовылар

Алейродидовылар - аққанаттылар (Aleyrodibea) отряды тармағы теңқанатты жәндіктер. Ұзындығы 1-2 мм. Денесі сарғылт, кейде ақшыл (осыдан аталуы да гр. aleuron - ұн). Аяғы ұзын екі аққанаттарының ұзындығы бірдей қанат талшықтары жойылған, кейде қара дақтары болады. 200-ден аса түрлері бар, көпшілігі тропикада кездеседі, бұрынғы КСРО жерінде 25 түрі кездеседі. Шыққан мекені Орталық Америка. Өсімдіктермен жер шарының барлық жерлеріне таралған. Өсімдік жапырақтарының төменгі жағына жабысып олардың шырынымен қоректенеді, сол жерде жұмыртқа салады. Жылына бірнеше тұқым береді. Қуыршақ сатысында қыстайды. Қалың жылдары цитрустарға, жеміс-жидек ағаштарына зиян келтіреді, вирус ауруларының қоздырғыштарын тасымалдайды.