Александр Антонович Хапсалис

Хапсалис Александр Антонович 17 қазан 1957(19571017), Талғар) — спортшы, футболдан халықаралық дәрежелі спорт шебері.

Александр Хапсалис
Жалпы мағлұмат
Туған күні	17 қазан 1957 (1957-10-17) (67 жас)
Азаматтығы	КСРО  АҚШ
Бойы	172
Салмағы	68
Позиция	жартылай қорғаушы
Клуб жайлы ақпарат
Клуб	карьерасын аяқтады
Клуб карьерасы 1973—1975 Қайрат 21 (0) 1976—1982 Динамо (Киев) 134 (13) 1983—1985 Динамо (Мәскеу) 72 (0) 1986 СКА (Киев) 33 (2) 1987—1988 Колос (Никополь) 52 (6) 1989 Звезда (Кировоград) 49 (4) 1990—1991 Кировец (Ленинград) 43 (3) 1992—1993 Сан-Диего Соккерс 12 (0) Ұлттық құрамы 1979 КСРО 2 (1)

Өмірбаяны

Карьерасы

1973-75 жылдары "Қайраттың", 1976-82 жылдары Киевтің "Динамо" командасының құрамында ойнады. 1978, 1982-84 жылдары КСРО Кубогінің иегері атанды. 1980-82 жылдары КСРО чемпиондығына қол жеткізді. 1976-85 жылдары КСРО құрама командасының мүшесі болған.

1973 жылы "Қайраттың" екінші құрамында ойнады. Ұзамай негізгі құрамда ойнай бастады. Негізгі құрамдағы тұңғыш ойынын 1974 жылы 27 мамырда "Заря Ворошилов" клубына қарсы өткізді. Бұл КСРО кубогы матчы болатын. 1975 жылы "Қайрат" сапында КСРО бірінші лигасында ойнады.

1975 жылы Ташкентте халықаралық турнирде үздік мерген атанды да, "Динамо Киев" бапкерлерінің бірі Михаил Ломанның көрсетуімен Валерий Лобановскийдің көзіне түседі. Ұзамай сол клубқа ауысты. 1976 жылы 4 сәуірде киевтіктер сапындағы тұңғы ойынын "Динамо Мәскеуге" қарсы өткізді. Хапсалис кездесудің 68-минутында алаңға шықты.

1983 жылы сол Мәскеудің "Динамосына" ауысты. Кейін Украин КСР-індегі бірнеше клубта доп тепті.

1992 жылы АҚШ-тың "Сан-Диего Соккерс" клубына ауысты. Сол күйі АҚШ-қа тұрақтап қалды.

Ұлттық құрама

1979 жылы КСРО құрамасы сапында екі ойын өткізді. 7 шілдеде ЕУРО-1980 іріктеуінде Финляндияға қарсы ойында бірінші, 14 қазанда Румынияға қарсы жолдастық кездесуде екінші ойынын өткізді. Финляндиямен ойыында бір гол соқты, бұл ойын 1:1 есебімен тең аяқталды.

Жеке өмірі

КСРО дәурінде дәрігерлер "жүрегі нашар" деген диагнозбен футбол ойнауына тыйым салды, тіпті "егер біздің ескертуімізді тыңдамай ойнай берсе, бір кінәлі болмаймыз" деген тілхат та жазып берді. Бірақ соған қарамастан Хапсалис 1993 жылға дейін доп тепті.

Екі рет үйленген, екі әйелінен төрт перзенті бар.

Қазір Лос Анжелесте футбол мектебі бар, өзі соның қожайыны.

Жетістіктері

• КСРО чемпионы (2): 1980, 1981
• КСРО кубогы 1978, 1982, 1984
• Жаөспірімдер арасындағы Еуропа чемпионы 1976.
• Жастар арасындағы Еуропа чемпионы 1980.

Сілтемелер

• http://www.fc-dynamo.ru/igry/prot.php?id=429