Александр Владимирович Матвеев

Александр Владимирович Матвеев(26.7.1915 Солтүстік Қазақстан облысы,Петропавл қаласы - 30.12.1972, сонда) - 2-дүниежүзілік соғысқа қатысушы, батальон командирі, гвардия подполковник,орыс.1937—38 жылдары Кеңес әскері қатарында болған. 1940 жылдың ақпанынан 1941 жылдьң мамыры аралығында Қазан қаласындағы жаяу әскер училищесінде оқыды. 1941 жылдың маусымынан Ұлы Отан соғысына қатысып, Сталинградтан Берлинге дейінгі шайқас жолынан өтті. 1945 жылдың қаңтарында 1 -Беларусь майданы 2 гвардиялық танк армиясы 12-гвардиялық танк корпусы 34-гвардиялық мотоатқыштар бригадасы құрамында Висла - Одер операциясына қатысты. Блендув және Радзеюв (Польша) қалаларын азат ету кезінде Матвеевтің батальоны дұшпанның 250 әскері мен офицерін жойып, 80-нен астам адамын тұтқындады әрі 18 ұшақ тұрған далалық әуежайды, жанар-жағармай, оқ-дәріге толы 6 қойманы басып алды. Матвеевке КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (27.2.1945). Соғыстан кейін Германия Кеңес оккупациялық топта әскери жұмысын жалғастырды. 1948 жылы«Выстрел» курсын бітірді. 1955 жылы запасқа шығып, Петропавл қаласында комбинат директорының орынбасары қызметін атқарды.Ленин, Қызыл Ту, 2 рет «Қызыл Жұлдыз» ордендерімен, медальдармен марапатталған.