Александр Иванович Соломатин

Александр Иванович Соломатин(1922 жылы туған, Шығыс Қазақстан облысы,Семей қаласы) -2-дүниежүзілік соғысқа қатысушы, аға лейтенант, рота командирі. 1942 жылдан майданда 17-гвардиялық механикаландырылған бригада құрамында болып, жаумен шайқастарда ерлік пен қаһармандық көрсетті. Одер өзенінен өту кезінде жаудың ұзақ уақыт бекінген жерін тартып алу үшін Соломатинның ротасы жау оғына қарамастан, өзеннің қарсы бетіне өтті. Осы жерде олар бекініс құрып, бригада бөлімдері жеткенге дейін плацдармды ауыр шайқаспен ұстап тұрды. Бір тәуліктен кейін (25.1.1945) Соломатинның ротасы плацдармды кеңейтуге бұйрық алды. Олар жаудың 8 шабуылына тойтарыс беріп, плацдарм аумағын кеңейтті. Соломатин жеңіске жетуде өз үлесін қосып, ерлік жасағаны үшін КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (10.4.1945).