Александр Касимович Мінібаев

Александр Касимович Мінібаев-1947 жылы 12 қаңтарда РКФСР Приморье өлкесі Находкинский ауданының Павловский кентінде туған. Қазақ. Әкесі - Мінібаев Қасым Рахымұлы, марқұм, әскери қызмет атқарған. Анасы - Мінібаева Елена Федоровна, зейнеткер. В.И. Ленин атындағы Қазақ политехникалық институтының энергетика факультетін (1969) инженер-энергетик мамандығы бойынша; Марксизм-ленинизм университетін (Алматы қ., 1981); Алматы Жоғары партия мектебін (1991) бітірген. Темір-бетон қысымды түтіктер өндірісі, құрылыс материалдары және құрастырылымдар тақырыптарына арналған жарияланымдардың авторы. Темір-бетон құрастырылымдары, технологиясы және өндірісі саласында авторлық куәліктері бар. Орыс және ағылшын тілдерін біледі. КОКП мүшесі (1975-1991). 1968 жылдан - Қарағанды металлургиялық зауыты желілері мен қосалқы стансалары цехының кезекші, аға кезекші электромонтері. 1969 жылдың қазанынан - Алматы электротехникалық зауытының арнайы құрастыру бюросының инженері. 1969 жылдың желтоқсанынан -Мемғзиортаазастықжоба институты электротехникалық бөлімінің инженері, 1970 жылдың сәуірінен - аға инженері. 1970 жылдың қарашасынан - КСРО Суландыру және су шаруашылығы министрлігі «Союзиливодстрой» басқармасының Боралдай құрылыс және жол мәшинелерін жөндеу зауытының бас энергетигі. 1974 жылдан - КСРО Су шаруашылығы министрлігінің Баскүрішкеңшарқұрылыс «Ремқұрылыстехника» ӨБ бас энергетигі, 1975 жылдан - бас директорының орынбасары. 1977 жылдан - «Ремқұрылыстехника» ӨБ ТБИ және қысымды түтіктер зауытының директоры (Алматы облысы Іле ауданының Қарасу ауылы). 1979 жылдан - КСРО Су шаруашылығы министрлігінің Главрисводхоз «Ремқұрылыстехника» ӨБ бас директоры.1988 жылдың сәуірінен - Алматы қаласы Алатау аудандық партия комитетінің бірінші хатшысы. 1988 жылдың тамызынан - Алматы қалалық Халық депутаттары кеңесінің атқару комитеті төрағасының орынбасары. 1990 жылдың қаңтарынан - ҚазКСР құрылыс материалдары өнеркәсібінің министрі. 1990 жылдың желтоқсанынан - «Құрылыс материалдары» мемлекеттік-акционерлік өнеркәсіп концернінің президенті (Алматы қ.). 1993 жылдан - «Құрылыс индустриясы және технологиясы» концернінің вице-президенті (Алматы қ.). 1994 жылдан - «Ремқұрылыстехника» АҚ президенті (Алматы облысы Ілө ауданының Қарасу ауылы). 2007 жылдан бері - «Ремқұрылыстехника» АҚ Директорлар кеңесінің мүшесі. Іле аудандық Халық депутаттары кеңесінің (1980-1987), Қарасу ауылдық Халық депутаттары кеңесінің (1980-1988), Алматы облыстық Халық депутаттары кеңесінің (1987—1990), Алматы қалалық Халық депутаттары кеңесінің (1988-1990) депутаты. КСРО Министрлер кеңесі Мемлекеттік сыйлығының лауреаты (1985). ҚазКСР Жоғарғы Кеңесінің грамотасымен марапатталған (1983). ҚР Құрметті құрылысшысы (2006). Әскери атағы - отставкадағы капитан. Діни көзқарасы - православиелік. Қазақстанның болашағы туралы болжамы - «Оң болжамдар». Хоббиі - туризм, саяжайдағы демалыс. Сүйіп оқитын әдебиеті - орыс классикалық әдебиеті. Үйленген. Жұбайы - Минибаева Раиса Романовна (1945 ж. т.), жобалаушы. Қыздары - Минибаева Татьяна Александровна (1969 ж. т.), Минибаева Наталья Александровна (1972 ж. т.).