Александр Никитич Седельников



Александр Никитич Седельников (1876-1919)- тарихшы, этнограф. Батыс-Сібір мен Шығыс Қазақстанды зерттеуші. Орыс география қоғамының Батыс-Сібір бөлімшесінің мүшесі.

Александр Никитич Седельников
Дүниеге келгені: 1876
Қайтыс болғаны: 1919
Мансабы: тарихшы, этнограф

1897- 1919 жылдар аралығында Алтайға 12 рет саяхат ұйымдастырған, осы өлкенің өзен-көлдерін зерттеген. "Зайсан" көлі кітабы үшін оған Орыс география қоғамының кіші алтын медалі берілген.[1] Қазақ даласына бірнеше рет саяхат жасап, жергілікті халықтан қазақ ертегілері мен аңыздарын жазып алып, Шығыс Қазақстанның өсімдік және жануарлар дүниесін зерттеді. Солардың негізінде оның 21 ғылыми еңбегі жарық көрді. «Ресей» сериялық еңбектердің авторлары мен құрастырушыларының бірі (1903). Осы кітаптың 18-томындағы қазақтар туралы тарауды Ә.Бейхановпен бірге жазуға қатысып, Абайдың ақындық таланты тарапы орыс ғалымдары арасында тұңғыш рет сөз қозғап, жоғары баға берді. Ол туған інісі Николаймен бірлесіп, қазақ ауыз әдебиетін насихаттауға, Абай шығармаларын орыс тіліне аударуға көп күш-жігерін жұмсады.[2]

Дереккөздер өңдеу

  1. Қазақтар. 7-том. 102-бет. "Білік" баспа үйі, Алматы, 2003
  2. Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9