Александр Федорович Лазурский

Александр Федорович Лазурский (1874 жыл 12 сәуір, Переяслав - 1917 жыл 12 наурыз, Петербург) - орыс психологы.

Өмірі

Петроградтағы Психоневрология институтының профессоры. Ресейдегі эмпирикалық психологияның көрнекті өкілдерінің бірі. Лазурский табиғи эксперимент деп аталатын психологиялық тәсіл ойлап тапты. Бұл тәсіл педагогика және бала психологиясы салаларында кеңінен таралды. «Жалпы және эксперименталды психология» т.б. еңбектерінде психология философия емес, биологиялық ғылым болуы тиіс деп санайды. Ол характерология мен адамның жеке басына классификация жасау мәселелерімен шұғылданды. Лазурский адамның мінез-құлқы қатынастардан байқалады деген идея ұсынып, оны адамның жеке басы психикалық функцияның жиынтығы деп түсінетін дәстүрлі ұғымға қарсы қойды.