Алексей Васильевич Петров

Алексей Васильевич Петров(1907, Краснодар өлкесі, Красноармейск ауданы - 25.1.1945, Польша, Оборники қаласы) - 2-дүниежүзілік соғысқа катысушы, майор, батальон, кейіннен полк командирі,орыс.1909 жылдан Ақмола қаласында (қазіргі Астана қаласы) тұрды. 1925 жылы Түмен қаласындағы (Ресей) жұмысшы факультетінің 3-курсын, 1942 жылы«Выстрел» курсын бітірген. Мұғалім, облыстық партия комитеті білім бөлімінің инспекторы болған (1926-28). 1929-31, 1939-40 жылдары Кеңес әскері қатарында әскери борышын өтеген. Петров 1941 жылдан 8-гвардиялық армияның 35-гвардиялық атқыштар дивизиясы 102-гвардиялық атқыштар полкінің командирі болды. 1945 жылы 25 каңтарда гвардия майоры Петров бастаған бөлім Висла өзенінің сол жағалауындағы жау шебін бұзып өтуге қатысты. Петров басқарған полк Оборники қаласы түбінде 8 сағат бойы ұрыс жүргізіп, каланы жау колынан азат етті. Осы шайқаста Петров ерлікпен қаза тапты. Висла өзенінің сол жағалауындағы ұрыстарға қатысып, керсеткен ерлігі үшін Петровқа КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (24.3.1945). Оның есімі Астана қаласының бір көшесіне берілген.