Александр Мамедович Алиев

Александр Мамедович Алиев (23.7.1922, Ресей, Дағыстан, Курах ауданы Цилинг с. - 22.11.1984, Ресей, Астрахан қ.) - 2-дүниежүзілік соғысқа қатысушы, қатардағы гвардияшы, атқыш. 1925 жылы Сталинград облысында туған. Бала кезінде ата – анасымен бірге Ақтөбеге көшіп келді. Ұлты – лезгин. Кеңес әскері қатарына 1943 ж. қаңтарда Ақтөбе қаласы әскери комиссариатынан шақырылды. Алиев Карель майданындағы 296-гвардиялық атқыштар полкінде болды. 1944 жылдың 22 маусымында Свирь өзенінің арғы бетіндегі жаудың атыс нүктелерінің орнын айқындау үшін Лодейное Поле қаласы маңында өзеннен өте бастады. Қайықтарына оқ тигеніне қарамастан, қарсы жағалауға өтіп, жаудың пулемет расчетінің көзін жойды. Осылайша полктің бөлімшелерінің өзеннен өтуіне мүмкіндік жасады. Алиевке осы ерлігі үшін КСРО Жоғары Кеңесі Төралқасының Жарлығымен Кеңес Одағының Батыры атағы беріліп, Ленин ордені және «Алтын Жұлдыз» медалі тапсырылды (21.7.1944). Соғыстан кейін Астрахан қаласына оралып, жұмыс істеді. 1-дәрежелі Отан соғысы ордендерімен, медальдармен марапатталған. Курах ауданы Аглоби селосындағы ұжымдық ш-қа және Кабир селосындағы мектепке Алиев есімі берілген. Астрахан қаласы Ахшарумов көшесіндегі №2/41-үйге естелік мәр-мәр тақта орнатылған. Дағыстандаты Сүлейман Стальский және Курах аудандары шекарасында 2009 ж. тамыз айында ауданда туып-өскен соғыс жэәне еңбек ерлеріне арналған мемориалдық кешен ашылды. Онда Алиевтің портреті салынған мемориалдық тақта орнатылған.