Алмаз Әмірбекұлы Мырзахмет

Алмаз Әмірбекұлы Мырзахмет — жазушы, әдебиеттану мамандығы бойынша философия докторы (PhD), «Ханшайым», «Қала мозаикалары», «Жетіирек», «Дежавю» кітаптарының авторы. Қазақстан Жазушылар одағының мүшесі, «Шабыт» халықаралық шығармашыл жастар фестивалінің лауреаты. Л.Н.Гумилев атындағы Еуразия ұлттық университеті филология факультеті қазақ әдебиеті кафедрасының аға оқытушысы, "MAGZHAN" баспасының директоры.

Биографиясы

1987 жылы 4 қазанда Қарағанды облысы, Қарқаралы ауданы, Қарынши ауылында дүниеге келген.
2005-2008 жылдары Қарағанды мемлекеттік гуманитарлық колледжінде оқыған.
2008-2011 жылдары академик Е.А.Бөкетов атындағы Қарағанды мемлекеттік университетінде «Психология» мамандығы бойынша білім алған.
2011-2021 жылдары «Қасым» республикалық әдеби-қоғамдық журналында жауапты хатшы, редактор орынбасары қызметтерін атқарған.
2011-2013 жылдары академик Е.А.Бөкетов атындағы Қарағанды мемлекеттік университетінде «қазақ тілі мен әдебиеті» мамандығының магистратурасында оқыған. Педагогика ғылымдарының магистрі дәрежесін 2013 жылы қорғаған. Диссертациясының тақырыбы: «Қазіргі қазақ прозасындағы тұлға концепциясы (2000-2010)».
2013-2018 жылдары академик Е.А.Бөкетов атындағы Қарағанды мемлекеттік университеті филология факультеті қазақ әдебиеті кафедрасының аға оқытушысы қызметін атқарған.
2017 жылдан бері "MAGZHAN" баспасының директоры
2017 жылы Қазақстан Жазушылар одағының мүшесі (№01231 "26" қазан 2017 жыл)
2018-2021 жылдары Л.Н.Гумилев атындағы Еуразия ұлттық университетіне "Әдебиеттану" мамандығында докторантура бойынша білім алған.
2021 жылдан бастап Л.Н.Гумилев атындағы Еуразия ұлттық университеті филология факультеті қазақ әдебиеті кафедрасында оқытушы қызметін атқарады.
2021 жылы қазан айында Л.Н.Гумилев атындағы Еуразия ұлттық университеті "Тілдер және әдебиет" кадрларды даярлау бағытындағы диссертациялық кеңесте "Қазіргі қазақ прозасындағы архетиптік образдар" тақырыбындағы докторлық диссертациясын қорғап, "Әдебиеттану" мамандығы бойынша философия докторы (PhD) дәрежесін алды.

Шығармашылығы

2006 жылы Н.В.Гоголь атындағы облыстық ғылыми-әмбебап кітапханасы жанынан «Жыр Жауһар» поэзия клубын құрған.
XIV «Шабыт» халықаралық шығармашыл жастар фестивалі, «үздік әдеби шығарма» (проза) номинациясы бойынша І орын иеленген.
Дәстүрлі Ғабиден Мұстафин атындағы жас қаламгерлер байқауының Бас жүлдегері.
Республикалық «Атамекен», «Махамбет оқулары», «Қайрат рухы» байқауларының жеңімпазы.
Білім және ғылым министрлігі ұйымдастырған «Аңсар – 2015» әдеби байқауында «Жылдың үздік жас жазушысы».
Ж.Тәшенов атындағы жыл қорытындысында «Жылдың үздік жазушысы» атанған (2016).
Республикалық «Ауылым — алтын тұғырым» әдеби байқауының ІІ орын иегері (драматургия) (2016)
2013 жылы мемлекеттік тапсырыспен «Жалын» баспасынан «Ханшайым» әңгімелер жинағы жарық көрген. Қарағанды облысының мәдениет, мұрағаттар және құжаттама басқармасы ұйымдастыруымен С.Сейфуллин атындағы қазақ драма театрында «Біздің ғасыр» атты шығармашылық кеші өткен. Кеш аясында «Біздің ғасыр» атты аудио-жинақ пен «Ханшайым» кітабының тұсауы кесілді.
2016 жылы «Гласир» баспасынан «Қала мозаикалары» кітабы шыққан.
«Сарыарқа» сериясымен шыққан 100 томдықтың «Өрім» атты проза бөліміндегі алты автордың бірі. «Жас толқын» жас қаламгерлер жинағына, «Өмірге келер әлі талай Қасым...» жинағы, «Ғ.Мұстафин атындағы жас қаламгерлер байқауына» ұсынылған әңгімелер жинағына, «Тәуелсіздік тұғыры» республикалық жас қаламгерлер фестивалі жинағына әңгімелері енгізілген. Республикалық, алыс-жақын шетелдік баспа беттерінде әңгімелері жиі жарияланып тұрады.
2020 жылы "Рахымжан Отарбаев: әдеби сын" республикалық байқауының Бас жүлдегері.
2022 жылы Фолиант баспасынан "Дежавю" әңгімелер жинағы жарық көрді.
2022 жылы Дәуір баспасынан мемлекеттік тапсырыспен "Жетіирек" кітабы шықты.

Ғылыми жұмыстары

«Қазіргі қазақ әдебиеті» оқу құралы, ф.ғ.д., профессор Ж.Жарылғаповпен бірге. Алматы: «Эпиграф» баспасы, 2016 жыл.
«Қазіргі қазақ әдебиеті» электронды оқу құралы. Әділет министрлігі, 2016 жыл.
Қазақстан Республикасы Білім және ғылым министрінің ғылым мен техниканың дамуына үлес қосқаны үшін Мемлекеттік ғылыми степендиясы.
«Изучение тюркского фольклора в аспекте нового гуманитарного знания». 2020-2022 жылдарға арналған ғылыми және (немесе) ғылыми-техникалық жобалар бойынша жас ғалымдарды гранттық қаржыландыруға арналған конкурс. Жоба мүшесі. Еуразия ұлттық университеті.
«Поэтологический тезаурус стихов Абая». 2021-2023 жылдарға арналған ғылыми және (немесе) ғылыми-техникалық жобалар бойынша гранттық қаржыландыруға арналған конкурсы (МОН РК). Жоба мүшесі. Еуразия ұлттық университеті.
«Қасымтану мәселелері» ғылыми жобасы. Кіші ғылыми қызметкер (2021).
Жоғарғы оқу орындарындағы "Қазақ тілі мен әдебиеті", "Қазақ филологиясы" мамандықтарына арналған "Әдебиет теориясы" оқулығы. (ф.ғ.д., профессор Ж.Аймұхамбетпен Жанат Әскербекқызы Аймұхамбетова бірге. (2022).

Қызметтері

Академик Е.А.Бөкетов атындағы Қарағанды мемлекеттік университеті филология факультетіндегі қазақ әдебиеті кафедрасының аға оқытушысы. Ғылыми бағыты: «ХХІ ғасыр қазақ әдебиеті», «Шығармашылық шеберханасы», «Қазіргі қазақ әдебиеті», «Әдебиет теориясы».
"MAGZHAN" баспасының директоры
Л.Н.Гумилев атындағы Еуразия ұлттық университеті филология факультеті қазақ әдебиеті кафедрасы (аға оқытушы)