Алтай Сырымбет

Алтай Сырымбет (туған-өлген жылы белгісіз) — қазақ-қалмақ жаугершілігі заманында аты шыққан аға батыр.

Орта жүз құрамындағы Найман тайпасының Матай руынан шыққан.

Сыр бойындағы, Шұбар теңіз жағасындағы, Сарысудағы шайқастарда қазақ жасақтарының бір бөлігін басқарып, Қабанбай батырға көмектескен. 1752 жылы 9 қыркүйектегі Сайын Белек, Шахдор, Батыр Убашылардың шабуылын тойтару ұрыстарына белсене қатысты. Швед офицері Йоган Ренаттың және артиллерия капитаны П.Унковскийдің хабарлауынша бұл кезде жоңғарларда 15 үлкен, 5 шағын зеңбірек және 20 мортир болған.