Алтынбек Дарібаев

Алтынбек Дарібаев (1927-1985), металлург, Социал Еңбек Ері (1971). КСРО-ның кұрметті металлургі, еңбек жолын 1943 жылы бастаған. Қазақ металлургия зауытының мартен цехында болат қорытушының жәрдемшісі. 1946 жылдан болат қорытушы, балқыту шебері болып істеді. 1968-1978 жылдары комбинаттын аға конвертершісі. «Агрегаттардың сағаттық өнімділігін барынша арттырайық» бастамасының инициаторы. Қарағанды металлургия комбинатында тез балқыту әдісін өндіріске енгізді. 1970 жылы сәуірде Дарібаев алғашқы болып оттекті конвертерде 250 т болат алды. Қазақстан Компартиясы 4-7- және 14-съездерінің, КСРО кәсіподағы 15-съезінін делегаты, БЛКЖО 17-съезінін құрметті делегаты. Ленин, Еңбек Қызыл Ту ордендерімен марапатталған.