Алыпсатарлық

Алып-сатарлық — баю мақсатымен түрлі тауарларды сатып алып, жоғары бағамен қайта сату. Термин биржалық құндылықтарды (акцияларды, облигацияларды, валютаны) қайта сату кезінде сатып алу бағасы мен сату бағасының арасындағы айырмадан пайда табу мақсатымен оларды сатып алу-сату жағдайларында (биржалық алып-сатарлық), бірдеңеге негізделген ішкі есеппен немесе пиғылмен әлдебір пайдакүнемдік мақсаттарды күйттегенде қолданылады. Бұл сонымен бірге тауарды неғұрлым жоғары бағаға сатпақ үмітпен неғұрлым төмен бағаға сатып алу әрекеті де. Тауарды бүгін сатып алып, ертең сату түрінде, сондай-ақ мерзімді өзара шарттар мен опционды нысанында да жүзеге асырылуы мүмкін.