Алыптық

Алыптық (грек. gigas,gigantos- алып) - адам бойының шамадан тыс өсіп кетуі. Адамды аласа (160-170 см) және сұңғақ (170 см-ден жоғары) бойлы деп жалпы 3 топқа бөледі. Бойы екі метрден биіктерді алып денелі дейді. Дүниедегі ең биік алыптың бойы 190 см-ден жоғарылары әрбір 1000 адамға 3-5 адамнан келеді. Алыптар бойының ерекше тез өсуі балиғатқа толу кезінде байқалады. Ондай адамның дене тұлғасы бойына сәйкес келмей, аяқ-қолдары ұзын, басы кіші, жауырыны бүкіш болады. Алыптардың күші жай адамнан басымырақ болғанымен, өз денесіне сәйкес келмейді. Олар ұзақ жасамайды, көбіне жастай қайтыс болады. Алыптық көбінесе тұқым қуалайды. Адамның мұндай өрескел өсіп кетуі ішкі секреция бездерінің бірі- гипофиз қызметінің бұзылуынан болады.