Алып балға акула

Балға акулалардың тобы, Коста-Рика

Биологиялық сипаттамасы

Алып балға акуланың құрсақ түсі ақшылдау, ал жота тұсы қоңыр- сұр түсті болып келеді. Акуланың бұл түрін балға тәрізді тұмсығына қарап, оңай тануға болады. Бұл акуланың тағы бір ерекшелігі- оның бірінші арақа қанаты ұзын, орақ тәрізді үп- үшкір болатындығында. Ал екінші арқа қанаты имек болып келеді. Жазда бұл акулалар салқын су іздеп, басқа аймақтарға кетеді, ал қыста жылы мекен таңдайды. Алып балға акуланың өмір сүру ұзақтығы 20- 30 жыл. Бұл акула адам баласына қауіп төндірмейді. Алып балға акуланың иіс сезу мүшесі жақсы дамыған. Сондай- ақ бұл акуланың басқа акулалар сияқты, ультрадыбыстарды ажырата алу қабілеті де дамыған. Оның бұл қасиеттері қауіптен сақтайды. Сондай- ақ қорегін тауып жеуге көмектеседі.

Қорегі

Бұл акула ұсақ сүйекті балықтармен, шаяндармен, асшаяндармен, сегізаяқтылармен және ірі теңіз шаяндарымен қоректенеді. Акула өзінің балға тәрізді тұмсығымен скаттарға қатты соққы беріп, қанатын өткір тістерімен жұлып алып кетеді. Сүйікті қорегі- скаттар.

Таралуы

Алып балға акула тропиктік және температурасы жылы суларда, жағалау маңында кездеседі.

Тағы қараңыз

• Акула