Альфредо ди Стефано

Альфредо Ди Стефано Лаулье (ис. Alfredo Di Stéfano Laulhé; 4 шілде 1926, Буэнос-Айрес — 7 шілде 2014, Мадрид) — аргентиналық (Испания мен Колумбияның да азаматтығын алған және ұлттық құрамаларында ойнаған) футболшы, шабуылшы, футбол жаттықтырушысы.

Альфредо Ди Стефано
Жалпы мағлұмат
Лақап аттары	(La saeta rubia)
Туған күні	4 шілде 1926 (1926-07-04)
Туған жері	Буэнос-Айрес, Аргентина
Қайтыс болған күні	7 шілде 2014 (2014-07-07) (88 жас)
Азаматтығы	Аргентина  Испания  Колумбия
Бойы	178
Позиция	шабуылшы
Клуб карьерасы 1944—1949 Ривер Плейт 66 (49) 1946 →  Уракан 24 (11) 1949—1953 Мильонариос 102 (90) 1953—1964 Реал Мадрид 282 (216) 1965—1966 Эспаньол 47 (11) Ұлттық құрамы 1947 Аргентина 6 (6) 1951—1952 Колумбия 4 (0) 1957—1961 Испания 31 (23) Бапкерлік карьерасы 1967 Эльче 1969—1970 Бока Хуниорс 1970—1974 Валенсия 1974 Спортинг 1975—1976 Райо Вальекано 1976—1977 Кастельон 1979—1980 Валенсия 1981—1982 Ривер Плейт 1982—1984 Реал Мадрид 1985 Бока Хуниорс 1986—1988 Валенсия 1990—1991 Реал Мадрид

Карьерасы

Клубтық

"Ривер Плейт" клубының түлегі. 1944 жылы 7 тамызда "Сан-Лоренсоға" қарсы жолдастық кездесуде тұңғыш рет кәсіби футболшы ретінде алаңға шықты. Ал тұңғыш ресми ойынын 1945 жылы 15 шілдеде "Ураканға" қарсы өткізді, бұл ойында "өзендіктер" 1:2 есебімен ұтылып қалды. Бұдан соң Альфредо маусым біткенше алаңға шықпады, соған қарамастан Аргентина чемпионы атанды.

1946 жылы ойын практикасын дамыту үшін "Ураканға" ауысты. Жыл бойы 24 кездесуде алаңға шықты, ал "Уракан" чемпионатта 9-орынға табан тіреді. Маусым соңында "Уракан" футболшыны өздерінде алып қалғысы да келді, бірақ жалақыға келіспеген Альфредо "Риверге" қайта оралып, 1949 жылға дейін ойнады. 1947 жылы-ақ негізгі құрамнан берік орын алып, маусым қорытындысында Аргентина чемпионатының үздік мергені атанды.

1949-53 жылдары Колумбияның "Мильонарис" клубында доп тепті. 13 тамыз күні "Депортиво Барранкилья" клубына қарсы ойында тұңғыш рет алаңға шықты. Колумбиялық клуб сапында үш рет Колумбия чемпионы атанды.

1953 жылы Еуропаның атақты клубтары футболшыны өз клубтарынан көргісі келді де, Альфредоға бірнеше клуб таласты да (арасында "Барселона" мен "Реал" да бар), соңында "Реалды" таңдады. "Реал" сапында 11 маусым ойнапм, көптеген жүлделерге қол жеткізді. Сегіз дүркін Испания чемпионы, бес дүркін Чемпиондар кубогының жеңімпазы атанды.

1965 жылы "Эспаньолға" ауысты да, бір маусымнан соң 40 жасында футбол ойнауды доғарды.

1967 жылы бапкерлік жолын бастады. 1991 жылға дейін Аргентина, Испания, Португалия клубтарын жаттықтырды.

Ұлттық құрама

Аргентина құрамасы сапында тұңғыш рет 1947 жылы ойнап, Оңтүстік Америка кубогына қатысты. Турнирдегі алты ойында үш гол соқты да, құрамамен бірге құрлық жеңімпазы атанды.

1953 жылы "Мильонариске" ауысқан соң Колумбия құрамасында ойнауға бел буды. Тап осы сәтте Қолумбия футбол одағы ФИФА құрамынан шығып қалды да, Альфредо тек жолдастық кездесулерде ғана алаңға шықты.

1956 жылы Испания азаматтығын алды да, Испания құрамасы сапында 4 жыл ойнап, 1960 жылғы Еуропа чемпионатының іріктеуіне қатысты. Испания сапында 31 ойынға қатысты, соның бірін 1960 жылы 24 шілдеде өз отанына қарсы өткізді. Бұл ойында Испания 0:2 есебімен ұтылды.

Жетістіктері

Ойыншы ретінде

Ривер Плейт

• Аргентина чемпионы (2): 1945, 1947
• Рио де Ла Плата кубогы (2): 1945, 1947

Мильонариос

• Колумбия чемпионы (3): 1949, 1951, 1952
• Колумбия кубогы: 1951/52

Реал Мадрид

• Испания чемпионы (8): 1953/54, 1954/55, 1956/57, 1957/58, 1960/61, 1961/62, 1962/63, 1963/64
• Испания кубогы: 1961/62
• Чемпиондар Кубогы (5): 1955/56, 1956/57, 1957/58, 1958/59, 1959/60
• Құрлықаралық кубок: 1960

Аргентина құрамасы

• Оңтүстік Америка кубогы: 1947

Бапкер ретінде

Бока Хуниорс

• Арегнтина чемпионы: Насьональ 1969
• Аргентина кубогы: 1969

 Валенсия

• Испания чемпионы: 1970/71
• Кубок иелері кубогы: 1979/80
• УЕФА суперкубогы: 1980

Ривер Плейт

• Аргентина чемпионы: Насьональ 1981

Реал Мадрид

• Испания суперкубогы: 1991
• Сантьяго Бернабеу кубогы: 1983

Жеке

• Аргентина чемпионатының үздік мергені: 1947 (27 гол)
• Колумбия чемпионатының үздік мергені (2): 1951 (32 гол), 1952 (19 гол)
• Испания чемпионатының үздік мергені (5): 1954 (27 гол), 1956 (24 гол), 1957 (31 гол), 1958 (19 гол), 1959 (23 гол)
• «Алтын доп» иегері (2): 1957, 1959
• Чемпиондар кубогының үздік мергені (2): 1958 (10 гол), 1962 (7 гол)

Сілтемелер

• Голдары
• Профиль на sportec.es
• Профилі (bdfutbol.com)
• Профилі (worldfootball.net)
• [1](қолжетпейтін сілтеме)
• [2]