Амангелді Бөтешұлы Қошқаров

Амангелді Бөтешұлы Қошкаров (31. 08. 1939 жылы туған, Қызылорда облысы, Жаңақорған ауданы, Жаңақорған қыстағы) — тіл білімі маманы, филология ғылымының докторы (1997). Абай атындағы ҚазПИ-дің филология факультетін, Қаз КСР ғылым академиясының Тіл білімі институтының аспирантурасын бітірген (1964). 1964-1966 жылдары Алматы облысы, Балхаш ауданында мұғалім. Мәскеудің М. Торез атындағы шет тілдер институтының жанындағы эксперименттік лабораторияда профессор В. А. Артемовтің жетекшілігімен ғылыми-зерттеу жұмысымен айналысады. 1973-1978 жылдары Жамбыл педагогика институтында аға оқытушы, доцент. 1978-1986 жылдары қыздар мемлекеттік педагогика институтында доцент. 1986-1997 жылдары осы институттың орыс филология кафедрасының меңгерушісі. 1997 жылдан Ақмоладағы Л. Н. Гумилев атындағы Евразия университетінің профессор, филология факультетінің орыс тілі кафедрасының меңгерушісі. "Қазақ тілінің ызың дауыссыздарын спектральді талдау" деген тақырыпта кандидаттық диссертация қорғады. 50-ден аса ғылыми еңбектердің авторы.