Амангелді Кәрентаев

Амангелді Кәрентаев (18 қараша 1943 жылы туылған, Мойынқұм ауданы Амангелді ауылы) – қоғам қайраткері. Ұлты - қазақ. Красногор ауыл шаруашылығы техникумы ( 1960), Жамбыл жеңіл және тамақ өнеркәсібі технология институтын (1966), Қазақ ауыл шаруалығын институтын (1971), Бүкілодақтық Ауыл шаруашылығы экономикасы ғылым-зерттеу институтының аспирантурасын (1978) бітірген. Ғылыми дәрежесі - Экономика ғылымдарының кандидаты Москва (1978). Мамандығы - инженер-технолог, инженер-механик. 1960 жылы Луговой (қазіргі Тұрар Рысқұлов) ауданы «Қызылту» кеңшарының машина-трактор шеберханасында бақылаушы механик, меңгеруші, 1967 – 1969 жылы Жамбыл ауданы ауыл шаруашылығы басқармасының мемлекет ауыл техникасын қадағалау кәсіпорнының инженері, аға инженері, 1969 – 1977 жылы Жамбыл облысы ауыл шаруашылығы басқармасында механизация бөлімінің бас инженері, 1977 – 1983 жылы Қазақстан Компартиясы Жамбыл облысы комитетінде ауыл шаруашылығы бөлімінің нұсқаушысы, 1983 – 1987 жылы «Облсельхозхимия» бірлестігінің төрағасы, 1987 жылы «Жамбылагроөнеркәсіпкөлік» облысы автокөлік басқармасының бастығы, 1987 – 1991 жылы Жамбылагроөнеркәсіп комитеті төрағасының орынбасары - «Облагропромтехника» бірлестігінің төрағасы, 1991 – 1992 жылы Шу ауданы партия комитетінің бірінші хатшысы, Шу ауданы халық депутаттары кеңесінің төрағасы, 1992 – 1995 жылы Шу ауданы әкімі, 1995 – 1998 жылы Байзақ ауданы әкімі,1998 - 2008 жылдан Жамбыл облысы әкімшілігінің ауыл шаруашылығы басқармасының бастығы. Жамбыл облысы әкім апаратының агроөнеркәсіп кешені мониторингін дамыту - бөлімінің меңгерушісі (2008-2009), «Оңтүстік» қаржы компаниясы Жамбыл облысы филиалында бас маманы болды (2009-2019). «Д.А. Қонаев атындағы Халықаралық Қордың» Жамбыл облыстық бөлімшесінің төрағасы (2014-2019).

Амангелді Кәрентаев

Мемлекеттік наградалары

«Парасат», «Құрмет», «Знак Почета» ордендерімен марапатталған.

«Ерең еңбегі үшін», «Тыңға елу жыл», «Қазақстан Конституциясына 10 жыл», «Қазақстан Конституциясына 25 жыл», 1-ші дәрежелі «Еңбек даңқы», «Тәуелсіздікке 25 жыл», «Тәуелсіздікке 30 жыл» медальдарымен марапатталған.

Қазақстан Республикасы Президентінің алғысы және «Алтын Барыс» омырау белгісімен марапатталған.

Қазақстан Республикасы «Ауыл шаруашылығы саласының үздігі», Қазақстан Республикасы құрметті спорт қайраткері атақтарын алған.

Шу, Байзақ, Мойынқұм аудандарының және Жамбыл облысының құрметті азаматы.

Ғылыми еңбектер

50-ден аса ғылыми мақалаларымен 2 монографияның 5 кітаптің авторы.