Амангелді Төлебайұлы Досханов

Амангелді Төлебайұлы Досханов (1959 жылы туған, Атырау облысы Ескене ауданы) – ішкі істер қызметкері, полиция полковнигі. КСРО ІІМ бастапқы құрамын дайындайтын Шымкент арнаулы орта мектебін (1982), ҚР ІІМ Қарағанды жоғары мектебін бітірген (1994). 1982 – 92 жылы жедел бөлімінің инспекторы, жедел өкілетті маман, аға маман, ротасында кадр жөніндегі аға инспектор, 1992 – 93 жылы МАИ бөлімшесі бастығының орынбасары, 1993 – 97 жылы Жаңаөзен ІІІБ қауіпсіздік қызметінің бастығы, 1997 – 99 жылы облыстық экономикалық қылмыстарды тергеу басқармасының қаржы-несиелік және сыртқы экономикалық саласындағы қылмыстарды тергеу бөлімінің жедел өкілетті аға маманы, Ақтау қаласындағы ІІБ бастығының 1-орынбасары болды. 2000 – 01 жылы аса маңызды істер жөніндегі аға маман, 2001 – 06 жылы Ақтау қалалық ІІБ бастығының орынбасары, облыстық қылмысқа қарсы күрес криминальды полиция басқармасының бастығы, 2006 – 07 жылы облыстық ІІД жеке қауіпсіздік бөлімінің бастығы қызметтерін атқарды. 2007 жылдан облыстық ІІД жеке қауіпсіздік басқармасының бастығы 2-, 3-дәрежелі «Ішкі істер органдарындағы мінсіз қызметі үшін» медальдарымен марапатталған.