Амантай Темірбайұлы Ыбыраев

Амантай Темірбайұлы Ыбыраев (1962 жылы туған), әнші (лирикалық-драмалық баритон), Қазақстан Республикасы еңбек сіңірген қайраткері (2004).

Алматының Құрманғазы атыңдағы мемлекет консерваториясын бітірген (1991). 1994 жылдан Қарағандының музыкалық комедиятеатрында артист-вокалист, 1998 жылдан директоры. 20-дай рөлдер орындады, соның ішінде таңдаулылары: Мистер Икс, Раджами, Эдвин (И. Кальманның«Мистер Икс», «Баядера», «Сильва» оперетталары), Сандор Баринкай («Цыганбароны» И. Штраус). Ашхабад, Одесса, Краснодар, Рим (1997) қалаларында өткен халықаралық конкурстардың лауреаты, жүлдегері. Алматы, Астана опера театрыларының спектакльдеріне солист ретінде шакырьшады. Қазақстан Республикасы Мәдениет министрлігінін «Мәдениет қайраткері» белгісіне ие.

2004 жылдан - К. Байсейітова атындағы Ұлттық опера және балет театрының солисті.Қазақстанның Театр қайраткерлері одағының мүшесі. «Қазақстан Республикасының тәуелсіздігіне 10 жыл» (2001)медалімен; Қазақстан Республикасы Білім, мәдениет және денсаулық сақтау министрлігі Мәдениет комитетінің грамотасымен (1998) марапатталған. Мәдениет қайраткері (2004). Қазақстаның Еңбек сіңірген қайраткері (2004).

Әскери атағы - старшина. Діни көзқарасы - төзімділік.Қазақстаның болашағы туралы болжамы - «Экономикалық жоғары дамыған және өркендеген мемлекет». Саяси қайраткер ретіндегі идеалы - Н.Ә. Назарбаев. Хоббиі - балық аулау. Сүйіп оқитын әдебиеті - М. Әуезов, Ф.М. Достоевский, А.С. Пушкин. Үйленген. Жұбайы - Ыбраева Меруерт Хайроллақызы (1964 жылы туған), Тәттімбет атындағы қазақ ұлттық аспаптар оркестрінің әртісі. Ұлдары - Ыбраев Темір Амантайұлы (1989 жылы туған), Ыбраев Нәби Амантайұлы (1997 жылы туған).