Аманқұл Бекенов

Аманқұл Бекенов (16.11.1939 ж.т., Қостанай облысы Жангелдин ауданы) – биология ғылым докторы (1991), профессор (1993). ҚазПИ-ді (қазіргі ҚазҰПУ) бітірген (1961). 1961 жылдан Зоол. ин-тында кіші, аға ғыл. қызметкер, лаборатория меңгерушісі қызметтерін атқарды, ал 1995 жылдан осы ин-ттың директоры. Негізгі ғыл. еңбектері Қазақстандағы омыртқалы жануарларды (қосмекенділер, бауырымен жорғалаушылар, құстар, сүтқоректілер) қорғау мәселелеріне арналған. Бекенов Қазақстанның шөл және шөлейтті аудандарын мекендейтін сүтқоректілердің биол., экол. ерекшеліктерін зерттеп, жойылып бара жатқан омыртқалы жануарларды қорғап қалудың теор. негіздерін ұсынды. Осы сала бойынша республика ғыл. мекемелерінде және жоғары оқу орындарында атқарылып жатқан ғыл.-зерттеулерді үйлестіруге басшылық жасады. Ол Қазақстанда ақбөкенді қорғау және оның санын қалпына келтіру мәселесін зерттеді. Қазақ КСР-інің Мемл. сыйл. лауреаты (1982).

Сілтемелер

• http://www.nashaagasha.org/tag/amankul-bekenov/(қолжетпейтін сілтеме)
• http://www.eastview.com/russian/books/product.asp?sku=894971B&f_locale=_CYR&Almaty/Kazakhstan/Kazakh/Russian/(қолжетпейтін сілтеме)