Анатолий Александрович Бондарь

Анатолий Александрович Бондарь (1941 жылы, Түркістан облысы, Сайрам ауданы, Ақсу ауылында туған) – техника ғылымының докторы (1992 жылы), профессор (1994 жылы). Өскемен жол құрылысы институтын (1965 жылы), аспирантурасын (1970 жылы) бітірген. 1965–69 жылдары Өскемен жол құрылысы институтының оқытушысы, «Южгорсельпроект» мемлекеттік жобалау институтының жобалаушылар тобының жетекшісі (1970–73 жылдары), Павлодар индустриялды институтының (қазіргі Павлодар мемлкеттік университеті) аға оқытушысы, кафедра меңгерушісі (1973–77 жылдары), Жамбыл гидромелиорациялық-құрылыс институтының кафедра меңгерушісі (1977–88 жылдары), доценті (1988–92 жылдары), профессор (1992–93 жылдары), кафедра меңгерушісі (1993–96 жылдары) болды. 1996 жылдан осы кафедрада қызмет атқарады. Бондарь 140-тан астам ғылыми еңбек пен 5 монография, 14 авторлық куәлік және патенттердің авторы.