Анатолий Николаевич Креженчуков

Анатолий Николаевич Креженчуков - 1950 жылы 4 наурызда Алматы қаласында туған. Орыс. Әкесі - Креженчуков Николай Макарович, марқұм. Анасы - Креженчукова Тамара Степановна, марқұм. Құрманғазы атындағы Өнер институтының театр факультетін бітірген (1973), театр және кино актері. 1973 жылдан бері - М.Ю. Лермонтов атындағы мемлекеттік академиялық орыс драма театрының актері. «Мужской род, единственное число» (Френк Хардер), «Танго» (Эдек), «Эзоп» (Агностос), «Ищите женщину» (Клебер Карлье), «Как важно быть серьезным» (Чезюбл), «Сети дьявола» (Раскольников), «На дне» (Сатин), «Нахлебник» (Карпачов), «Человек, который платит» (Александр Амилькар), «Король Лир» (Граф Кент), «Вишневый сад» (Симеонов-Пищик) спектакльдерінде рөлдер орындайды. «Қазақфильм» киностудиясының «Возвращение сына», «Погоня в степи», «Граница», «Земля людей», «Ликвидатор», «Махамбет» фильмдеріне, «Тоғысқан тағдырлар» (доктор Платонов) телехикаясына түскен. Қазақстанның Еңбек сіңірген қайраткері. Діни көзқарасы - православиелік. Саяси қайраткер ретіндегі идөалы - М. Ганди. Қазақстанның болашағы туралы болжамы - «Жарқын болашақ». Хоббиі - аңшылық, балық аулау. Сүйіп оқитын әдебиеті - тарихи романдар, фантастика, Үлкен кеңестік энциклопедия. Үйленген. Жұбайы - Креженчукова Валентина Дмитриевна (1950 ж. т.), актриса. Ұлы бар.