Андорра — Қазақстан қатынастары

Андорра — Қазақстан қатынастары — Андорра Князьдігі мен Қазақстан Республикасы арасындағы дипломатиялық қатынас.

Дипломатия

2008 ж. 30 қаңтар – Нью-Йоркте тиісті бірлескен коммюникеге қол қою арқылы Қазақстан Республикасы мен Андорра Князьдігі арасында дипломатиялық қатынастар орнатылды.

2019 ж. 13 наурыз – Қазақстан Елшісі К.Жигалов Андорраның Князі, Урхель архиепископы Жоан Энрике Вивес-и-Сисильяға сенім грамоталарын тапсырды.

2019 ж. 12 сәуір – Қазақстан Елшісі К. Жигалов Андорраның Князі, Франция Президенті Э.Макронға сенім грамоталарын тапсырды.

Саяси қатынастар

Қазақстан мен Андорра арасындағы қатынастар өзара түсіністік пен сенім жағдайында дамуда. Халықаралық саясаттың маңызды проблемалары бойынша екі елдің ұстанымдары жақын.

Негізінен, диалог халықаралық және аймақтық ұйымдар аясында дамуда. Андорра алғашқылардың бірі болып Қазақстан Республикасының ЕҚЫҰ төрағалығына кандидатурасын, сондай-ақ Астананың 2010 жылы Саммитті өткізу туралы бастамасын қолдады. 2010 жылдың 17 шілдесінде Андорра СІМ басшысы Ч. Эспот Миро Алматыдағы ЕҚЫҰ-ның бейресми министрлер кеңесінің жұмысына қатысты. екіжақты ынтымақтастықты, әсіресе туризмді дамытуға қызығушылық танытты.

2010 жылғы 1 желтоқсанда ЕҚЫҰ саммиті аясында Андорра қаласының туризм, сауда және индустрия министрі К. Бенет Қазақстанға сапармен келді.

2013 жылдың қыркүйегінде БҰҰ Бас Ассамблеясының 68-сессиясында Қазақстан Сыртқы істер министрі Е.Ыдырысов пен Андорраның сыртқы істер министрі Ж.Сабойяның екіжақты кездесуі өтті.

2015 жылдың қыркүйегінде БҰҰ Бас Ассамблеясының 70 сессиясында Қазақстан Сыртқы істер министрі Е.Ыдырысов Андорраның Сыртқы істер министрі Ж.Сабойямен кезекті кездесу өткізіп, Қазақстан Республикасының 2017-2018 жылдарға БҰҰ Қауіпсіздік Кеңесінің тұрақты емес мүшесі лауазымына кандидатурасын қолдауға өтініш білдірді.

2015 жылдың қыркүйек айында БҰҰ АА 70-ші сессиясы аясында Қазақстан Сыртқы істер министрі Е. Ыдырысов сыртқы істер министрі Андорра Ж. Сабойямен кезекті кездесу өткізді.

2015 жылғы қазанда Андорра үкіметі Испаниядағы Қазақстан Елшілігі арқылы тиісті нотаны жібере отырып, 2017-2018 жылдарға арналған БҰҰ Қауіпсіздік Кеңесінің тұрақты емес мүшесі лауазымына Қазақстанның кандидатурасын қолдау туралы шешім қабылдады.

2017 жылғы 3-5 қазанда Қазақстан Парламент делегациясы құрамында сенаторлар Д.Кұставлетов пен М.Бортниктен тұратын Қазақстан парламенттік делегациясы Андорра-ла-Велья қаласына жұмыс сапарымен барып, онда ЕҚЫҰ Парламенттік Ассамблеясының күзгі отырысына қатысты.

2019 ж. 13 наурызда Қазақстанның Елшісі Константин Жигалов Андорра княздігінің тең билеушісі - Урхель архиепископы Жоан Энрике Вивес-и-Сисильяға сенім грамоталарын тапсырды. Сол күні Қазақстан Елшісі Андорра Парламентінің Төрағасы Висенк Матеу Заморамен келіссөздер өткізді. Андоррада болған сапар барысында Экономика, инновациялық бәсекеге қабілеттілік министрі Жильбер Сабойя Суньемен кездесу өтті.

2019 ж. 12 сәуірде Қазақстан Елшісі К.Жигалов Андорраның тең Князі, Франция Президенті Э.Макронға сенім грамоталарын тапсырды.

2019 ж. 12-13 маусымда Қазақстан Республикасының Испаниядағы және Андоррадағы Елшісі Константин Жигаловтың Андоррада жұмыс сапары болды. Қазақстандық дипломат Андорра Парламентінің жаңа төрағасы, князьдық тарихындағы алғашқы әйел, жоғарғы заң шығарушы органның басшысы Розер Суньемен кездесті. Розер Сунье К.Жигалов өзінің жаңа сапасымен кездесіп отырған алғашқы шетелдік елші болғанын атап өтті.

2019 ж. 18 маусымында Андорра үкіметінің басшысы Х.Эспот Қасым-Жомарт Тоқаевтың Қазақстан Президенті болып сайлануына байланысты құттықтау хат жолдады.

2019 ж. 9 шілдесінде ЕҚЫҰ-ның бейресми министрлер кеңесінде Қазақстан Сыртқы істер министрі Б.Атамқұлов пен М.Убах арасында екіжақты кездесу өтті.

2019 ж. 4 желтоқсанда Қазақстан Экология, геология және табиғи ресурстар министрі М.Мырзағалиевтің Андорраға жұмыс сапары болды.

Сауда-экономикалық қатынастар

Қазақстан Республикасы мен Андорра Князьдігі арасындағы сауда-экономикалық ынтымақтастық дами бастады. Екі ел арасындағы сауда туралы мәліметтер жоқ.

Қазақстан Республикасының экология, геология және табиғи ресурстар министрі М. Мырзағалиевтің Андорраға жұмыс сапары (2019 ж. 4 желтоқсан) осы саладағы ынтымақтастықты жандандыру қажеттілігінің маңызды бағыттарының бірі болды.

Спорт

Қазақстан футбол федерациясының ресми құрама командалары мен Андорра Еуропа құрама командалары арасындағы Халықаралық футбол турнирінің D дивизионының бір тобына УЕФА Ұлттар Лигасы қатысты.

2018 ж. 10 қыркүйегінде Андорра мен Қазақстан арасындағы кездесу 1:1 есебімен аяқталды. Командалар арасындағы жауап ойыны 2018 жылы 16 қазанда Нұр-Сұлтанда өтті және 4:0 есебімен Қазақстан пайдасына аяқталды.

2019 ж. 24 шілдесінде Андоррандық «Санта Колома» мен «Астана» ФК 0:0 есебімен аяқталды. Жауаптық ойын 1 тамызда Нұр-Сұлтанда өтті және 4:1 есебімен Қазақстан пайдасына аяқталды.