Андрей Алексеевич Сорокин

Андрей Алексеевич Сорокин(25.3.1905, Ресей, Иркутск облысы,Тулун ауданы,Гадалей селосы - 27.10.1944, Венгрия, Ясен-Тласло деревнясы) - 2-дүниежүзілік соғысқа катысушы, нысана көздеуші,орыс.Тараз қаласында тұрып, қант зауытында жұмыс істеген. 1942 жылы Кеңес әскері қатарына шақырылған. Оңтүстік-Батыс, Сталинград, Оңтүстік, 4-, З-Украина майдандарындағы шайқастарға қатысты. Соғыс кезінде үш рет жараланды. 1944 жылдың сәуірінен тамыз айына дейін Молдова жерінде тұтқында болды. Котельников, Мелитополь, Херсон қалаларын және Солтүстік Таврияны азат етуге, Сал даласындағы (Солтүстік Кавказда),Харьков түбіндегі, Молочная өзеніндегі, Сталинградтағы, Днестр плацдармындағы, Румыния, Болгария, Югославия, Венгрия жерлеріндегі шайқастарға, Одесса операциясына қатысты. 144-гвардиялық атқыштар полкінің нысана көздеушісі. Сорокин 1944 жылы 27 қазанда Галамбош станциясында (Венгрия) жау шабуылына тойтарыс беру кезінде жау танкісін атып, 20 әскерін жойды. Ауыр жараланғанына қарамастан, ұрысты жалғыз өзі жалғастырып, шайқаста ерлікпен қаза тапты. Әскери тапсырманы орындау кезіндегі тапқырлығы, шайқаста көрсеткен батылдығы үшін оған КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (24.3.1945) Ленин орденімен, «Ерлігі үшін» медалімен марапатталды. КСРО Қорғаныс минстрлігінің бұйрығымен Сорокин есімі әскери бөлімнің тізіміне мәңгілікке енгізілді. Тараз және Галамбош қалаларындағы көшеге Сорокин есімі беріліп, Тараз қаласында мемориалдық тақта орнатылған.