Андрей Афанасьевич Овчинников

Андрей Афанасьевич Овчинников (1739, Батыс Қазақстан облысы, — 1774, Ресей, Черный Яр) — әскери қайраткер, Е.И.Пугачевтің серігі. Ол казак- орыстарының Жайық қаласындағы 1772 жылғы көтерілісіне белсене қатысты, 1773 ж. қыркүйекте Е.И.Пугачев отрядына қосылды. Жайық казак-орыстарынан жорық атаманы болып сайланды, сөйтіп Пугачевтің ең жақын көмекшісі әрі кеңесшісі болды. Ол Гурьев (Атырау), Қазан, Саратов, Царицын, т.б. үшін болған шайқастарға қатысқан. 1774 ж. тамызда Пугачев Овчинниковке генерал-фельдмаршал атағын берді. Ол Еділ бойындағы шайқаста қайтыс болған. Овчинников — Жайық казактарының өзі аттас әулетінің арғы ата-бабасы.