Андрей Григорьевич Огнев

Андрей Григорьевич Огнев(29.9.1902, Шығыс Қазақстан облысы, Катонқарағай ауданы, Үлкен Нарын ауылы - 8.10.1943, Украина, Чернигов облысы) - 2-дүниежүзілік соғысқа катысушы, кіші сержант. Соғысқа дейін туған ауылында кұрылысшы болып жұмыс істеген. 1942 жылдан Орталық майдан 13-армия 8-атқыштар дивизиясы 151-атқыштар полкі құрамында Ұлы Отан соғысына қатысқан. 1943 жылы қыркүйектің 23-інен 24-іне караған түні оның полкіне Днепрден өтуге бұйрық берілді. Огневке судан өтуге арналған құрал әзірлеу тапсырылды. Днепрден (Чернигов ауданы, Навозы селосының маңы) өтуді шебер ұйымдастырғаны әрі жауынгерлік тапсырманы ойдағыдай орындағаны үшін Огневке КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (16.10.1943). Ленин орденімен марапатталған.