Андрей Данилович Семенов

Андрей Данилович Семенов(1909, Ресей, Дондағы Ростов қаласы - 26.9.1943, Днепропетровск облысы,Сошиновка деевнясы.) - 2-дүниежүзілік соғысқа қатысушы, капитан, рота командирі,украин. 1941 жылы Семей қаласы әскери комиссариатынан Кеңес әскері қатарына шақырылып,Сталинград, Воронеж, Дала майдандарындағы ұрыстарға қатысты. 104-гвардиялық полктің атқыштар ротасының командирі. Семеновтің ротасы Днепрден бірінші болып өтіп, полк бөлімшелерін түсіру үшін оң жағалаудағы плаццармды басып алды. Немістерді траншеяларынан қуып шығып, Сошиновка деревнясына басып кірді. Жарамды техникасын тастай қашқан жау 134,4 биіктігіне бекініп, бірқатар қарсы шабуылдар жасады. Семеновтің гвардияшылары жаудың 8 шабуылына тойтарыс берді. Олар биіктік алабындағы траншеяларға оқтай атылып басып кірді де, қолма-қол айқасқа түсті. Осы шайқаста Семеновке екінші рет оқ тиіп, қаза тапты. Верхнеднепровск ауданы,Днепровское кентіндегі бауырластар зиратына жерленген. КСРО Жоғарғы Кеңесі Төралқасының Жарлығымен Семеновке Кеңес Одағының Батыры атағы берілді (20.12.1943). Ленин, «Қызыл Жұлдыз» ордендерімен, медальдармен марапатталды. Верхнеднепропетровскде саябақ пен бір көшеге Семенов есімі берілген. [1]

Дереккөздер өңдеу

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х