Андрей Николаевич Никишов

Андрей Николаевич Никишов 1969 жылы 21 шілдеде Целиноград облысы Целиноград ауданы Киров атындағы кеңшарда туған. Чуваш. Целиноград ауылшаруашылық институтын (1992) мал дәрігері мамандығы бойынша; Қазтұтыну одағының Қарағанды экономикалық университетін (2007) бітірген, мемлекеттік басқару бакалаврі. Ветеринарлық ғылымдар кандидаты. 1990 жылдан - «Прима» кооперативтік ғылыми-өндірістік бірлестінің №42 филиалының ветөринарлық санитары (Целиноград қаласы). 1991 жылдан - «АИВЕ» ШЖК директоры (Целиноград қаласы). 1998 жылдан - Целиноград аудандық ветеринарлық стансасы жұқпалы аурулар жөніндегі бастықтың орынбасары. 1998 жылдың қыркүйегінен - Ақмола облысы Ветеринария комитеті ветеринарлық инспекция бөлімінің жетекші маманы. 1998 жылдың желтоқсанынан - Ақмола облысы Ветеринарлық қадағалау басқармасы ветеринарлық инспекция және санитария бөлімінің бастығы, бас мемлекеттік инспектордың орынбасары, 1999 жылдың мамырынан - басқарма бастығының орынбасары. 1999 жылдың қазанынан - Қазақстан Республикасы Ауыл шаруашылығы министрлігінің Ақмола облыстық аумақтық басқармасы ветеринария бөлімінің бастығы - Ақмола облысы бас ветеринарлық инспекторы. 2002 жылдың сәуірінен - Қазақстан Республикасы Ауыл шаруашылығы министрлігінің Ақмола облыстық аумақтық басқармасы бастығының орын- басары, 2002 жылдың шілдесінен - бастығы. 2004 жылдан -Ақмола облысы Егіндікөл ауданыныңәкімі. 2007 жылдан - Ақмола облысы Көкшетау қаласының әкімі. 2008 жылдың наурызынан бері - Ақмола облысы Степногорск қаласының әкімі. «Тыңға 50 жыл» (2004), «Қазақстан Конституциясына 10 жыл» (2005) медальдарымен; Қазақстан Республикасы (1999), Қазақстан Республикасы Ауыл шаруашылығы министрлігінің «Ауыл шаруашылығы жүйесіндегі көп жылғы жемісті еңбегі үшін» Құрмет грамоталарымен марапатталған (2001). Қазақстан Республикасы Президентінің алғыстарымен ескерілген (2001, 2005).[1]

Дереккөздер өңдеу

  1. Қазақстан Республикасында кімнің кім екені – 2011. 2 томдық анықтамалық. Алматы, 2011. ISBN 978-601-278-473-2