Андрей Николаевич Тихонов

Тихонов Андрей Николаевич [17.(30). 10. 1906 ж. т., Смоленск облысы]-совет математигі және геофизигі, КСРО ғылым академиясының академигі (1966; 1939 жылдан корр.мүшесі). Соц. Еңбек Ері (1975). Мәскеу университетін бітірген (1927). 1936 жылдан сол университетте профессор,1970 жылдан есептеу математикасы мен кибернетика факультетінің декана; 1953 жылдан КСРО ғылым академиясының Қолданылмалы математика институты директорының орынбасары. Оның алғашқы еңбектері топология мен функционалдық анализге арналған. Ол ғылымға топологиялық кеңістіктердің көбейтіндісі деген ұғымды ендірді. Оның кейінгі еңбектері дифференциалдық теңдеулер теориясына, матем.физикаға, геофизикаға және есептеу математикасына арналған. А.Н.Тихоновтың басшылығымен көптеген қолданылмалы есептерді шешудің алгоритмі жасалды. КСРО Мемлекет сыйлығының (1953, 1976) және Лениндік сыйлықтың лауреаты (1966). 5 рет Ленин орденімен т. б. орден және медальдармен марапатталған.

Тихонов Андрей Николаевич
Андрей Николаевич Тихонов
Туған күні

30 қазан 1906 (1906-10-30)

Туған жері

Гжатск, Ресей империясы

Қайтыс болған күні

7 қазан 1993 (1993-10-07) (86 жас)

Қайтыс болған жері

Мәскеу, Ресей федерациясы

Азаматтығы

Рессей империясы

ДереккөздерӨңдеу

Қазақ энциклопедиясы