Антидүние
Антидүние — Ғаламның қиялданған антизаттардан құралған жеке жұлдыздар немесе галактикалар түріндегі бір бөлігі. Антизат пен антидүние туралы алғашқы болжамды 1933 ж. ағылшын физигі Поль Дирак (1902 – 1984) ұсынған. Бұл болжам әлі расталмады немесе жоққа шығарылмады. Теориялық есептеулер мен астрофизикалық бақылаулар да бұл жайтты растап та немесе дәйексіз деп дәлелдей де алмады. Физикалық заңдар антизат пен кәдімгі затқа бірдей қолданылатын болғандықтан, жұлдыз бен антижұлдыздың немесе галактикамен антигалактиканың ғалам кеңестігіне шығаратын электрмагниттік сәулелерін оптикалық немесе радиоастрономиялық тәсілдермен ажыратуға болмайды. Теориялық болжамдар бойынша жұлдыздар нейтриноны, ал антижұлдыздар антинейтриноны шығармақ. Бірақ қазіргі ең кемелдендірілген аспаптардың өзі де бұл бөлшектерді бір-бірінен ажырата алмайды. Сондықтан әзірше антидүние туралы қалыптасқан ғылыми ұстаным орныққан жоқ.
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|