Антизат антибөлшектерден құралған материя. Антизат ядросы антипротондар мен антинейтрондардан, ал атом қабықшалары позитрондардан құралады. Ғаламның бақыланған бөлігінде антизаттан құралған шоғыр әзірше байқалған жоқ. Дегенмен зарядты бөлшектер үдеткіштерінде антидейтерий мен антигелий ядролары алынды[1]. Антизат өзінің Жер шарындағы ең қымбат бағасымен танымал. 2006 жылы НАСА есептеуі бойынша миллиграмм позитрон өндіру үшін 25 миллион АҚШ доллары қажет. Есептеу бойынша 1999 жылы 1 грамм антисутек 62,5 триллион доллар деген бағаға ие болды. 2001 жылы CERN есептеуі бойынша 1 миллиардтан 1 грамм антизат өндіру үшін бірнеше жүз миллион Швейцария франкі қажет. Мұндай заттың болатынын 1931 ж. ағылшын физигі Поль Дирак (1902 – 1984) алдын ала болжаған.

Дереккөздер өңдеу

  1. «Қазақстан»: Ұлттық энциклопедия / Бас редактор Ә. Нысанбаев – Алматы. «Қазақ энциклопедиясы» Бас редакциясы, 1998 ISBN 5-89800-123-9, I том;