Анчоус (ис. anchoa) — консервіленіп тағамға пайдаланылатын майда теңіз балығы. Анчоустан май да өндіріледі. Анчоус атымен майшабақтар балықтарынан алынатын өнімдердің үш түрі белгілі: 1. Anchosen. Бірнеше ай бойы татымдықтар қосылған тұздықта өңделмеген түрде салынып өңделген майшабақ. Одан кейін оларды бөлшектеп, еті қызыл түске ену үшін аз мөлшерде селитра қосылған басқа тұздыққа ауыстырып салады. Осынан кейін тіліктерге бөлінеді. Мұндай анчоустардың еті дайын күйінде өте жұмсақ; 2. Anchovis. Ауланғаннан кейін бірден бірнеше күнге тұздыққа салынған майда майшабақ немесе майда салака. Жарты айға оларды жаңа тұздыққа салып қояды, содан кейін кішкене бөшкелерге тұздықсыз қатарлап, ірі түз бен татымдықтар сеуіп салады. +4°С температурада төрт ай тұрғызады да, бөлшектемей кішкене ыдыстарда сауда орындарына жібереді; 3. Anschovsen. Ауланғаннан кейін бөлшектеліп, екінші әдістегідей өнделген сардиналар.[1]

Дереккөздер өңдеу

  1. Қазақ тілі терминдерінің салалық ғылыми түсіндірме сөздігі: К54 Қоғамдық тамақтандыру.—Алматы: "Мектеп" баспасы, 2007. — 232 бет.ISBN 9965-36-414-1