Аппаз Қаражігітұлы

Аппаз Қаражігітұлы (15.3.1923 жылы туған, Қарағанды облысы Ұлытау ауданы Сарысу ауылы) - жазушы. ҚР мәдениет қайраткері (2003). ҚазҰУ-ды бітірген (1953). Сарысу ауылында жұмысшы, есепші, мектепте мұғалім, мектеп директоры болып жұмыс істеген. 1970 - 84 жылдары Қарағанды облыстық газетінде тілші, Жезқазған облыстық газетінде бөлім меңгерушісі, 1984 - 90 жылдары Жезқазған балалар театрының әдеби меңгерушісі, 1990 - 98 жылдары Қазақстан Қазақстан жазушылар одағы Жезказған облыстық бөлімшесінің жауапты хатшысы қызметтерін атқарған. Алғашқы өлеңдері қазіргі "Орталық Қазақстан" газетінде (1956) жарияланған. "Жетім", "Тас жарған емен" поэма, балладалары жарық көрген (1958). "Ақмоншақ" (1976), "Шақпақ" (1978), "Әке дауысы" (1982), "Майқоңыр" (1988), "Қайран шеше" (1991), "Абыздар биігі" (2001) атты прозалық кітаптардың авторы. "Баубек", "Сәкеннің атылуы", "Махаббат азабы", "Қияндағы жалғыз үй" пьесалары Жезқазған сазды драма театрында қойылған.