Аргентина коммунистік партиясы
Аргентина коммунистік партиясы – 1918 жылы 6 қаңтарда құрылған. Бұл – Ұлы Қазан социалистік революциясының ықпалымен Аргентинада революциялық қозғалыс күшейген кез еді. Партия алғашқыда Интернационалдық социалистік партия деген атпен Аргентина социалистік партиясының сол қанаты өкілдерінің съезінде ұйымдасты. Съезд партияның Жарлығы мен «Принциптер декларациясын» бекітті, Манифест қабылдады. Манифесте Ресейдегі социалистік Революциямен ынтымақтас жаңа партияның құрылғаны жария етілді. Партияны құрушылар: Луис Эмилио Ркабаррен,викторио Кодовилья, Аугусто Кун, Энрике мюллер, Родольфо Гиольди тағы басқа 1919 жылы сәуірде Интернационалдық социалистік партияның 2-съезі болып өтті; мұнда 2-интернационалмен байланысты үзіп, Коминтернге қосылу жөнінде шешім қабылданды. 1920 жылы Аргентина коммунистік партиясы бұқарамен байланысты едәуір кеңейтіп, ұйымдық жағынан нығайды. Партияның кәсіподақтарға ықпалы күшейді. 1922 жылы партияның бастауымен елде тұңғыш бір тұтас кәсіподақ орталығы – «Уньон синдикаль Аргентина» құрылды. Партия идеологиялық жағынан нығайды. 7-съезде қалың еңбекші бұқарасын Аргентина коммунистік партиясының төңірегіне топтастыруға бөгет болған солшыл топтар идеялық жағынан талқандалып, партиядан шығарылды. 8-съезде партия алдағы уақытта Аргентинада болатын революцияны буржуазиялық-демократияны аграрлық, антимпералистік революция деп белгіледі.[1]
| Аргентина коммунистік партиясы | |
| ис. Partido Comunista de la Argentina | |
| Басшысы | |
|---|---|
| Құрылған жылы | |
| Идеологиясы | |
| Сайты | |
Дереккөздер
өңдеу- ↑ Қазақ әдебиеті. Энциклопедиялық анықтамалық. - Алматы: "Аруна LTD." ЖШС, 2010. - 576 б. ISBN 9965-893-38-1