Аркадий Иванович Зенковский

Аркадий Иванович Зенковский(9 ақпан, 1920, Ресей, Түмен облысы, Аромаш ауданы - 31 қаңтар 1945, Польша) - 2-дүниежүзілік соғысқа] қатысушы, кіші лейтенанты, рота командирі. Соғыс қарсаңында Қарағанды облысы, Ұлытау ауданы, Қарсақпай кентінде тұрып, сонда жұмыс істеген. Осы жерден 1943 жылы 13 ақпанда майданға аттанып, 6-гвардиялық атқыштар дивизиясы 10-гвардиялық атқыштар полкі 5-рота құрамында Ұлы Отан соғысына қатысты. Таңдаулы пулеметші Зенковскийдің айрықша ерлігі, әсіресе, Курск доғасындағы ұрыстар мен Днепрден өткенде байқалды. Зенковский кіші лейтенанттар курсынан кейін 1944 жылдың ақпанында Ровно қаласы (Украина) үшін болған ұрыста атқыштар взводын басқарды. 1944 жылдың шілдесінде ол басқарған 5-рота Висла өзенінен (Польша) алғашқылардың бірі болып өтіп, жаудың Зенковский шабуылын тойтара отырып, 40 әскері мен офицерін жойды. 1945 жылдың қаңтарында Зенковскийдің ротасы Одер (Одра) өзенінен бірінші болып өтіп, Зенковский тәулік бойы жау шабуылын тойтарып отырды. 31 қаңтарда жаудың жаяу әскері мен танкілерінің қайта шабуылына тойтарыс беру кезінде Зенковский ерлікпен қаза тапты. Осы ұрыстарда ерлік пен батылдық көрсеткені үшін Зенковскийге КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (10 сəуір, 1945). Ленин, «Қызыл Жұлдыз» ордендерімен, медальдармен марапатталған.