Армяндық апостол шіркеуі
Армяндық апостол шіркеуі (арм. Հայ Առաքելական Եկեղեցի); дәстүрлі, тарихи атауы Арменияның апостолдық шіркеуі (арм. Հայաստանեայց Առաքելական Եկեղեցի) — христиан шіркеулерінің өте ертеден келе жатқандарының бірі. "Армян-григориан шіркеуі" деген атау Арменияның өзінде қолданбайды, "Армян киелі Апостол православ шіркеуі" (арм. Հայաստանեայց Առաքելական Եկեղեցի) деген атау қолданылады.
Арменияда христиан діні 2-ші ғасырда пайда болып, 4-ші ғасырдың басында тарала бастады. Бұл процесс Григорий Просветительдің жүргізілген жұмысына байланысты болып, армян шіркеуі соның есімімен аталып кеткен.
301 ж. христиан діні мемлекеттік дін болып жарияланды. Армян-Григориан шіркеуі діни көзқараста монофиситтік ағымды қолдайды. Православие мен католик шіркеуі Иисус Христостың табиғаты құдайға да, адамға да ұқсаған екі жақты жан иесі деп қараса, бұл ағым оны тек құдай тектес деп қана түсіндіреді.
Армяндық апостол шіркеуін барлық армянның жоғарғы патриарх-католикасы басқарады, ол Ереван түбіндегі Эчмиадзин қаласында тұрады. Армениядағы және шетелдегі дінге сенетін барлық армяндарды басқарады.
Дереккөздер
өңдеу- Қазақ Совет энциклопедиясы/Бас редакторы М.Қ.Қаратаев - Алматы, 1972, 1 том
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |