'''Василий Григорьевич Нелюбов'''(9.5.1914, [[Қостанай]] облысы]], Әулиекөл ауданы,Новонежинка селосы - 18.3.1945, Польша, Глубнище қаласының маңы, Шенбрунн селосы) - 2-дүниежүзілік соғысқа қатысушы, кіші лейтенант, танк командирі,орыс.1930 жылы Нелюбовтың отбасы Ставрополь өлкесі [[Александров]] ауданы,Кругломесское селосына көшті. Селода шофер болып жұмыс істеді. Майданға 1941 жылы жіберілді. 1944 жылы Камышин танк училищесін бітірді. 1-Украина майданы 31 -танк корпусы 242-танк бригадасында танк командирі болды. 1945 жылдың 16 наурызында [[Польша|Польшаның]]ның [[Ратибор]] (Рацибуж) қаласынан Солтүстік- батысқа қарай 20 шақырым жердегі [[Аутишкау]] кентіне, жау қорғанысына баса көктеп кіріп, 2 шабуылдаушы және 2 танкіге қарсы зеңбіректі жойды. 1945 жылдың 18 наурызында [[Леобшют]] қалсының маңында (Польша, Глубнише қаласы) жау әскері 8 ауыр танкіні ұрысқа қосты. Нелюбов осы ұрыста қаза болды. КСРО Жоғарғы Кеңесі Төралқасының Жарлығымен Нелюбовқа [[Кеңес Одағының Батыры]] атағын берді (29.6.1945).<ref>А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.
