Аткинсон Томас Уитлам

Аткинсон Томас Уитлам (6.3.1799, Англия, Йоркшир – 13.6.1861, Кент қаласы) – ағылшын саяхатшысы, суретші. Қазақстанның бірқатар жерлерінде (1848–52) болып, тарихи-этнография, география зерттеулер жүргізген. Аткинсонның осы зерттеулері кейін 1858 ж. Лондонда жарық көрген «Шығыс және Батыс Сібірдегі зерттеулер» атты екі томдық еңбегіне енді. Бұл еңбегінде Семей, Аягөз, Қапал, Алматы қалалары мен бекіністеріндегі жергілікті тұрғындардың шаруашылығы, тұрмыс-салты, әдет-ғұрпы, Шыңғыстау күміс кені, балыққа бай Зайсан көлі жөнінде көптеген деректер бар. 1860 ж. қазақтардың рухани өміріне қатысты құнды деректері мол «Амудария бойымен саяхат» атты кітабы жарыққа шықты.