Балқаймақ - түйенің сүтінен жасалатын ең дәмді тағамдардың бірі. Әрі жеңіл әрі дәрумендерге бай осы тағам түрін менің анам дәмді әзірлейді. Сіздерге анамның дайындау тәсілін ұсынбақпын.
Қажетті заттар: 1 л сүт, 1 лстакан құмшекер.
Дайындалу тәсілі: Алдымен, сүтті қазанға құйып, лаулаған қызыл отқа қайната бастаймыз. Бойындағы желісін шығару мақсатында отты күшейтуімізге болады. Себебі, сүттің адам денесіне шашырамауы үшін желі қайнау нәтижесінде бу болып шығуы керек. "Желі" дегеніміз түйенің сүтінің құрамындағы су. Қайнау барысында сүттің түсі жарты сағаттан соң өзгереді және сол кезде құмшекерді қосып, араластырамыз. Бір сағаттан соң әзірлеп қайнатып жатқан сүтіміз қоюланып кілегей қалыпқа келеді. Қазанды оттан түсіріп, балқаймақты ыдыс түбіне жайып суытамыз.
