Бетқайнар

Бетқайнар — Жамбыл облысының Қордай ауданындағы ауыл, ауылдық әкімшілік округінің орталығы. Аудан орталығы — Қордай ауылынан солтүстік-батысқа қарай 45 км жерде, Шу өзенінің оң жағасында, Бішкек — Шу автомобиль жолы қиып өтетін тұста орналасқан. Тұрғыны 4,5 мың адам (1997). Іргесі 1901 ж. қаланған. Ауыл жері бозғылт және қоңыр топырақты. Жусан, астық тұқымдас шөптер, эфемерлі өсімдіктер өседі. 1996 жылға дейін “Көкқайнар” қант қызылшасын өсіретін кеңшар орталығы болды. Оның негізінде қазір шаруа қожалықтары мен өндірістік кооперативтер жұмыс істейді. Бетқайнарда мәдени-ағарту, денсаулық сақтау мекемелері бар.