Сағыр Аймағамбетұлы Камалов

Камалов Сағыр Аймағамбетұлы (1905, бұрынғы Ақтөбе өңірі, 9-а. – 1938) – жазушы, драматург. Кедей шаруа отбасында дүниеге келген. Өз аулында орталау мектепті бітіргеннен кейін Орынбордағы Қазақ халық ағарту институтында оқыды (1923 – 27). Қазақ мемлекеттік педогогикалық институтын бітірді (1931). 1931 – 37 жылы Алматы музыка мектебінің меңгерушісі, 1938 жылы Қазақ драма театрының директоры қызметін атқарды. Тұңғыш шығармасы – “Таңдағы талап” әңгімесі 1930 жылы жарық көрді. Одан кейін “Ұшқыннан өрт”, “Шахтада”, “Колхоз қарауылы”, “Ұсталды”, “Алтай асуында”, “ғ21-інші”, “Екпінді ғ90”, “Ордадағы ойран”, т.б. әңгіме, өлең, мақалалары жарияланды. “Қанды таяқ” пьесасы (1932 жылы Т.Жароковпен бірігіп жазған), “Екпін” атты әңгімелер жинағы, “Алтай жолы” романынан үзінді жарық көрді. “Құттықтаймын” (1936), “Ер Тарғын” (1937) атты драм. шығармалары жеке кітап болып шықты. Камалов либреттосын жазған “Ер Тарғын” операсы (1937, музыкасы Е.Г. Брусиловскийдікі) қазақ театрларының тұрақты репертуарына енді.

Сілтемелер

“Қазақ Ұлттық Энциклопедиясы”, 4 – том