Қайшыбаев Смағұл

Қайшыбаев Смағұл - (9.10.1935, Қарағанды облысы Қарқаралы ауданы – 2007, Алматы қаласы) – медицина ғылымдарының докторы (1976), профессор (1981). Қарағанды мемлекеттік медицина институтын (1958, қазіргі Қарағанды мемлекеттік медицина академиясы) бітірген. Қазақстан ҒА-ның Қарағанды қаласындағы Еңбек гигиенасы және кәсіби аурулар институтында кіші ғылыми қызметкер (1958), Қазақ КСР-і Денсаулық сақтау министрлігіне қарасты Өлкелік патология ғылыми-зерттеу институтында бөлім меңгерушісі, институт директорының ғылыми жұмыстар жөніндегі орынбасары (1966–73), Алматы мемлекеттік медицина институтында (қазіргі Қазақ ұлттық медицина академиясы) кафедра меңгерушісі, декан (1977), проректор (1984–86) қызметтерін атқарды. «Вегетативно-сосудистые и нейрогуморальные нарушения при вибрационной болезни у горнорабочих» деген тақырыпта докторлық диссертация қорғаған.