'''Нұғыман Сәрсенұлы Манаев''' (17.09.1894, [[Атырау облысы]], [[Құрманғазы ауданы]] [[Жанбай]] ауылы - 1942) — ғалым, ағартушы, мемлекет қайраткері. [[Үфі|Уфа]]дағы "Ғалия" медресесін бітірген (1916). [[Бейімбет Майлин]]мен бірге "Садақ" атты қазақ оқушыларының қолжазба журналын ұйымдастырып, қосымша редакторы болған. "[[Айқап]]" журналында мақалалары, 1915 жылы "Аяқталмаған романнан үзінді" көркем туындысы жарияланған. Медреседен кейін туған ауылында ұстаздық етіп, "Талап" мектебінің негізін салады. Болашақ мұғалімдер даярлайтын қысқа мерзімді курстар ұйымдастырған. 1919 — 22 жылдары жергілікті кеңес, оқу-ағарту жұмысына басшылық жасайды. 1923 - 25 жылдары [[Бөкей губерниясы]] атқару комитетінің орынбасары, губерния партия комитетінің бөлім меңгерушісі, 1925 - 26 жылдары [[Орал губерниясы]]нда бөлім меңгерушісі, 1926- 29 жылдары [[Жетісу губерниясы]], Ақтөбе округ партия комитетерінің бірінші хатшысы, 1929 - 30 жылдары [[Қазақ АКСР]]-інің халық ағарту комиссары қызметтерін атқарған. Кейінгі жылдары аудармашылық және шығармашылық жұмыспен айналысқан. "Иман ислам" (Т.Жароковпен бірге) кітабы, "Жастар арасында", "Азамат" шағын пьесалары бар. [[Шәңгерей Бөкеев]] өлеңдері, [[Спандияр Көбеев]]тің "[[Қалың мал (роман)|Қалың мал]]" романы жайлы зерттеулері ұлттық әдебиеттану ғылымына қосылған сүбелі үлес болып табылады. Манаев 1934 жылы Шәңгерейдің өлеңдер жинағын жеке кітап етіп бастырып, алғы сөзін, өмірбаянын, түсініктерін жазған.<ref>Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6</ref>
